kru seumangat lon puphon rawi
keu PAPA TARI ulon calitra
nibak si uroe teugrak teukedi
dengon bang ardi jak pegah haba
narit geupuphon di PAPA TARI
tanyong bak ardi pakiban cara
cukop that saket e rakan ardi
di papa tari kayeum keucewa
cukop meusampe nibak si hari
ide lon cari hana lom teuka
nibak uroe nyoe lon buka gunci
keu sidroe dek ti yang na di banda
asai na sayang tentei na janji
ucap bak bibi nariet uluwa
pakon ciet jino laen terjadi
kon lagei janji masa PKA
watei lon pike peuka teujadi
do'a bak rabbi sigra lon pinta
dilei masa phon madu yg ta bri
rupa jih dek ti racon meubisa
hana lon sangka jinoe tabenci
ee'k neu tem cari laen pemuda
pat kureung lon jinoe hai dek ti
hingga terjadi laen tamita
yoeh masa dilei lon neu cintai
pakon hai dek ti jinoe meutuka
adak lon tepeu nyoe yang terjadi
masa lam seni gata han lon ba
tanyoe meupakat peudong group seni
nama ta beri sanggar mutia
mandum kenangan didalam seni
pakon e dek ti tateum meudua
cukop that masam boh limeng sunti
kuasa rabbi hanjeut tatuka
adak pih meunoe keu lon nyoe tabi
hana lon benci gata .................
watei lon menang dalam group seni
peugah di dek ti sayang keu kanda
hana laen geunantou PAPA TARI
baloh rapa’i keusaksi cinta
baloh rapa'i jinoe kageutik lam krueng dou...
Tidak ada komentar:
Posting Komentar