GEUNASEH HATEE

• 
  
• 

  Ardi Wijaya

  
  
  

  geunaseh hate ureung lon sayang
  keuhendak tuhan jinoe hana lee
  geuwoe bak tuhan intan lon sayang
  ka geucok pulang han meuriwang lee
  
  uroe minggu bak jeum poh lapan
  tanggai duanam meuguncang donya
  tan teujalok hate dengon pikiran
  keuhendak bak tuhan musibah teuka
  
  sabee teubayang dalam ingatan
  nibak masanyan meupisah tanyoe dua
  gata peulheuh lon e adoe badan
  dalam golongan geulumbang raya
  
  watei lon keunang seungkak pikiran
  hanco nyum badan tuboh anggota
  kiban lon peugot e adoe badan
  nyoe keuh cobaan bak po kuasa
  
  gata tinggai lon ngon aneuk badan
  sabee jitanyong meuho ibunda
  kiban lon peugah lon bri jawaban
  han jeut lon karang jiero ie mata
  
  meubeuk lee tamoe e aneuk badan
  keuhendak tuhan lageinyoe cara
  kanaseub tanyoe meunoe cobaan
  gata aneuk nda sayang beurayeuk saba