salam alaikom lon puphon mula
haba loen rawi didalam pantoen
sidroe adoe loen jioh dimata
kamoe meupisah leubeh dua thon
berangkat diloen u aceh jaya
dirman elia adoe di uloen
tinggai di duson mantong sikula
rindu lam hatee diteuka rihon
adoe di uloen neuk kaloen rupa
haba loen deungo bak rakan duson
gata adoe loen meurumoh tangga
cinta ta ikat ngon dara duson
aneuk nek kasom nurlaila nama
do'a selamat e putik sukon
gata adoe loen udeup bahgia
Tidak ada komentar:
Posting Komentar