jinoe lon pike saboh calitra
bak si-on kertah lon tuleuh ca-e
keu agam bacee di samatiga
teuga that ujeun ateuh glee tangse
ie raya ilee u aceh jaya
rencana nikah bak maulod akhe
tgk. seulangke geupuwou haba
lam paya beuringen ureung theun kawee
harap keu bacee peukuwah lada
saket lam jantong sang teulhoh hatee
pakon adek e gata meutuka
eumpeun leumo dek e takoh naleung glee
pakon oh jinoe ka naleung rusa
dilee keu dirman cinta ta ukee
pakon jinoe gata meutuka..,???
leupie lam atoet dipoet angen gle
kayee meurantee uboe ka bungka
teuka weuh hate lon tuleuh ca’e
bungong bineh gle kagob po jeumba
memang lupah hek takawe bacee
oh kana hase kagop po jeumba
watee yoh awai cinta geu ukee
bak babah sabee dirman elia
ureung theun rusa sideh dalam glee
ureung theun bacee sideh lam paya
yoh watee adek yue ba seulangkee
pakon meusampee ka gata bungka
oh putoeh beneung peusalah bacee
padahai kawee ka kadaluarsa
padahai dirman leupah le hasee
di cot gajah matee sawet na dua hekta
Tidak ada komentar:
Posting Komentar