ROZALIANA |
keubandum rakan di gampong atawa dibanda
yang teuga onlen didalam duson
pakek telepon nexian nama
di samatiga sidroe rakan loen
ureung jieh tumbon meu bulei dada
desa paya lumpat daerah bubon
sidroe rakan loen Dirman Elia
loen lakei meu-ah nibak rakan loen
kadang na salah bak loen peutrok haba
oleh seubabnyan wahee e rakan
peutepat rijang ngon bang Ardi Wijaya
keu uroe minggu haba loen suson
Dirman rakan loen seunang leumpah na
seubab uroenyan uroe liburan
Elia Dirman judo ka geuba
suak geudubang meutindeuh aron
kuala bubon raket mantong na
nibak si uroe teugrak rakan loen
pakat jak rawon ngon dara woyla
dara that mameuh ibarat boh lam oen
nyan bungong duson Rozaliana
pakeuk ngon bajei meusaloep badan
sang-sang biduan dari jakarta
teusingeuh teukheum Dirman rakan lon
senang that untong na dara jelita
geucok ngon Honda nyan merek shogun
langsong geupuplung po sinyak dara
laju geupiyoh di yup bak aron
pakat rakan loen jak padu cinta
didalam leumung geu-eh rakan loen
watei takalon cukop that mesra
ibarat cakek dalam blang jitroen
ibarat payong bak ujeun teuga
ibarat keudidi lam pasie jitroen
meugok-gok punggong nyan dum gembira
nibak masanyan po bungong lam-oen
malei teuseyom ngon rakan dumna
Elia Dirman pemuda duson
lam lumueng langsong reubah kepala
meumada dilei haba loen suson
singoh loen sambong uroe selasa
jinoe uloen preuh haba rakan loen
didalam pantoen lawan Ardi Wijaya
kru seumangat………………….!!
Tidak ada komentar:
Posting Komentar