dari bang ardi di aceh jaya
segala pujoe puwoe keurabbi
seulaweut saleum ateuh syaidina
lon ujoe tuleuh sipatah rawi
rindu bang ardi keuneuk meucakra
kapadum na treup hana meurawi
maklum bang ardi sibuk lagoina
bak ulon duk-duk bak bineuh pasi
lon tuleuh rawi keugura-gura
teu ingat ulon keu dirman eli
nibak sihari bak taguen sira
palong kapunoh pasou deungon i
sak kayee pasi apui meubura
meukhak lon teukheum prut teurasa gli
nyak putik giri kasalah raba
nanggroe takengon geupula kuphi
geupula capli di aceh jaya
nyak muda seudang po dirman eli
hawa boh giri yang karang dua
ka abeuh lorong geuweut ngon gaki
nyak dirman eli pikee kagila
judo geulakei sidroe yang tari
yang mirah bibi mirip india
hawa keu inong peugawai negri
meuheut dinyakti inong yang janda
peugah alasan bang dirman eli
jago meunari malam pertama
meunyo yang dara cit golom pasti
adak pih tari mameuh ie muka
dirman kadiklik alah bang ardi
neu ujoe cari ban sikleup mata
pakiban cara jinoe peugah kri
keu dirman eli judo harus na
Tidak ada komentar:
Posting Komentar